【介意】
∞ 秋涼讓我頗忐忑，盡做些奇怪的事，例如凌晨四時才睡。
∞ 偶撞進一個叫「巴巴變」的在線相冊，我心想是flickr的中國版嗎？相似到這種地步還只是「以Flickr為概念的在線相冊」，我覺得很無恥。
∞ 何韻詩在《青山黛瑪》最後兩句歌詞唱的「再」字，做作得叫人難受。
∞ 黃耀明還是唱廣東話最好，英文和國語都搞得很尷尬。
∞ 妹妹造很甜很甜的蜂蜜蛋糕，餅底配薄薄一層熱情果和芒果醬。蛋糕真的很甜，我已經避吃這樣甜的東西很久，但還是一口氣吃了三塊，都是半塊半塊的切來吃，同時以為自己可以停止吃下去。已經全吃完了，嗚嗚嗚～
∞ 從Facebook找到我中學的group，還主要是中五同屆的同學，一下子湧現完全說不上是誰的英文名字，我只記得中文全名，連錯別字也不會有，怎麼相認。而其實，我不知道add了或confirm了add之後，要說什麼。就像那時候，每年暑假完了後，第一天上學踏進課室的彷徨不安。我不知道為什麼我又要經歷多一次。
∞ 狗打架，罵狗就是罵人，因為狗聽不懂難聽的話。
∞ 網上行來電，那男子說我要跟你說一說續約的事宜，我說如果我不續呢，他問那你是不是要停止服務，我說是這樣的嗎？不續約就停止服務？他說那你是不是要停止服務。我說請你叫另一位同事打電話給我，我不想跟你講。
∞ 逢星期五至日，凌晨約三時四十分，「隆隆隆隆隆隆隆隆隆隆隆隆隆隆隆隆隆隆隆隆隆隆隆隆隆隆」。四、五架飛機肆無忌憚接連經過，這不是擾民是甚麼？
∞ 最後，這兩天都不見白鷺了。
又唔續約，又唔終止服務….
接線生：
即係繼續服務，以月計，不要那些一年、兩年、三年的合約，咁唔洗終止服務o架嘛。
都係叫你另一位同事打電話給我啦！
無得咁架播…小姐…
突然o係度寫o野, 查實你會唔會睇到呢??
btw, 到今時今日, 冇返十幾年學, (yes, u 都計), 先至發現, 原來有人同我一樣, 有放完暑假對同學徨恐症, 我o既症狀係會個腦白晒, 唔記得晒d同學名, 唔知同同學講d咩好.. 自有一年知道自己有呢個病之後, 跟住o既每一年, 都會o係八月尾recall 一次memory, 背一次d同學名先好返學..
我講真o架!!
minguloo：
我當然會睇到，自己的網嘛。
我覺得其實可能個個同學都會咁，根本無可能好無嘢咁行入課室。如果連同學啲名都唔記得，一定好恐怖；本來都識仲玩咗成年，過咗暑假變陌生人要重頭識過，自己得，同學仔都會覺得怪怪吧。
那時候走進課室，都會有以找救生水泡的心情，匆匆尋找比較熟的同學。找到的話打個招呼，彷彿就可以比較安定下來，但一班有成三、四十人，徨恐的感覺還是有的。
特登返o黎check o下你有冇覆, 嘻嘻..
我以為係我自己好怪, 因為我隔離o個個人話佢唔會有呢d感覺, 只係話佢會o係最後幾日好驚, 因為未做晒暑期作業囉..
不過, 人大o左, 睇呢d o野淡o左, 記得以前就已經同偉杰討論過, friendship 到底可唔可以 forever, 其實都真係好睇人… 以前好着緊 peer 關係, 唔記得d同學名喎, 緊係好大壓力啦, 最慘o既就係:人o地記得你名丫麻! 而家?! 唔識你咪唔識你囉, 咁又點?! or 你唔識我我又冇所謂, 二打六一個啫…
我依然o係街度, 如果見到d我唔肯定佢識唔識我, 我都一定閃埋, 就正如, 早兩日o係 tko kfc 見到長人渣子一樣, 我閃!!
嘻嘻..
如果唔閃, 可以講乜?
hi, 咁o岩呀? o係度住呀? 同佢地有時會食飯呀, 搵日約埋丫..?
ok byebye
(但係冇留電話..)
係呢，明，究竟係我地唔懂世故定係太懂得呢？其實都係想避開啲尷尬的情況，但係呢，個尷尬又係自己做成。
如果自信少少，暑假後上學的一日，就可以大大方方跟同學仔打招呼，就算唔記得名都不當一回事．．．不過，咁我哋就唔係我哋嚕。
又，長人渣子嗰陣唔係都算同你玩得埋咩？不過係啦，咁耐無聯絡，我死都唔會叫呀！